เบิ่งกัน เเลกัน พี่น้องเอ๊ย...
คนเฮานี้จะต้องเพิ่งอาศัยกัน................พี่น้องเอ้ย
คือจั่งปลาอาศัยน้ำ....................น้ำกะเพิ่งวังปลา
ปลาอาศัยวังเวิน......................จั่งล่องลอยนาน้ำ
ทามอาศัยห้วย........................งัวควยอาศัยแอก
ตาแฮกอาศัยไก่ต้ม................จั่งโตนตุ้มจากคอน
คือดั่งดอนอาศัยไม้..................นกเพิ่งอาศัยโกน
คนกะอาศัยยังคน......................เพิ่งกันโดยด้าม
คามอาศัยหม้อ......................หมอมออาศัยส่อง
ฆ้องอาศัยไม้ค้อน......................ตีต้องจั่งค่อยดัง
ให้คนอีสานเฮาแพงกันไว้...คือข้าวเหนียวหนึ่งใหม่
อย่าสิเพแตกม้าง.................คือน้ำถืกข้าวเหนียว
ให้เฮาสามัคคีกันไว้......................คือฝนแสนห่า
ตกลงมาจากฟ้า.................ไหลโฮมตุ้มอยู่หนอง |
